2013 Kawlram Zukcawl Academy Peek Puai

2013 Kum Ca,  

Kawlram Zukcawl Academy Peek Puai

Hi kong hi a tialmi nan um rua lo(?). Cucaah tlawmpal tein ka hun nawnnok. Kawlram Zukcawl Vawlei ah Academy laksawng peeknak hi a luancia 1952 kum lioin thawk cangmi a rak si. Kawlram uknak chiatkhat cu kan theih dih. Media nih uico bang a hun boh (watchdog) hnu ah tampi ai thleng. Zukcawl thlaknak zong nih tampi a tunmer. Academy laksawng peek puai cu zapi nih kan ingaih ngai ciomi asi. Kumkhat a liam hnu ah thim asi theo. Tukum 2014 zongah a luancia kum 2013 zukcawl pawl kha thim asi.

Top 5 Korean Fidi-ftilaw Minthang Hna, 2014

 Top 5 Korean Fidi-fitlaw Minthang Hna, 2014

Top 10 THEBEST nih minung 10 cio an thim hna nain minung 5 cio lawng manh caan te ah ka hun tenh duak.

Top 5 Korean Fidi Minthang Bik, 2014

(1) Song Hye Kyo

Song Hye Kyo cu Korean muidawh vawlei ah a duai kho rih bak lo. Amah cemcem hi vawleipi nih (A bikin Kawl le Laimi nih dah kan uar cem lai) uar bikmi asi rih. Thlang Korea (South Korea) asi.1982 November thla ah a chuak, kum 32 asi cang. Vawleipi nih an hun theih khunnak cu TV, Drama movie hna ah “Winter the Wind Blows, Full Hours and Autumn in My Heart” timi zukcawl hna in a minthan khunnak asi.

Salai Joel Ling he biaruahnak

“Miphundang ca kan ṭial vial i kan palh lai, aa dawh lo sual lai ti kan phan tuk lioah, kanmah kan holh le kan ca kan ṭial tu i daithlang ngai i kan ṭialmi, mekazin tepawl i capar an von ṭial tawn zong ah anmah a ṭialtu hmanh nih an relta lomi tepawl tu hi a poi ngai ka ti.”

 ---------------------------------------------------------

 Muko Mekazin Editor,

Salai Joel Ling 

he biaruahnak

Ahmasa bikah na chungkhar konglam tawi hun kan ruah law…

Thantlang peng Tlangkhua ah Pu Dap Ling le Pi Zai Iang nih an ka hrin.  Kum 2004 ah Mai Lily Lal Len Pui he kan i um. Fanu pali kan ngei.  Kan chungkhar in Yangon ah khua kan sak lio a si.

Kumno Bik MP Pahnih

 Tuanbia Thar Tialtu Kumno Bik MP Pahnih

USA ah Kumno bik State MP Saira Blair

         2014 kum, November 4 ni American rampi caankar thimnak an tuah i, West Virginia State Legislature (Hluttaw) caah Republican Party in kum 18 lawng asi rihmi Saira Blair cu American tuanbia ah kumno bik state lawmaker (MP) ah thim a hung si. Mr. Blair cu West  Virginia University ah kumkhatnak a kailio asi. University boarder a umnak khan in me suainak a tuah.

2014 Kum, Nobel Prize Cotu Hna

 2014 Kum, Nobel Prize Cotu Hna

Nobel Prize timi cu vawleipi nih an sunhlawih tukmi laksawng asi. 1901 kum in 2014 karlak chungah hin "the Nobel Prizes le the Prizes in Economic Sciences laksawng hna cu voi 567 chungah minung 889 hna le organization hna nih an hmuh cang.Tawi parikkhok in an konglam ka hun thil.

The Nobel Prize in Physics, 2014

Isamu Akaski

Hiroshi Amano

Shuji Nakamura

Laksawng  hmuhnak

Elektik meiceu a  fianglo mi thlahnak (blue light-emitting) siseh, mei thazaang a dermi kha ṭhawnter le a fiangfai mi ceunak (white light) an sernak thawngin an hmuhmi laksawng asi

Korean KPop Top 5

Korean KPop Nu Hlasakthiam Phu, Top 5 (2014)

             Atanglei top 5 thimmi (Top 10 tiang a um nain 5 tiang lawng kan hun phozaar) Ngaknu Hlasa Phu hi Korea nih thimmi an si nain vawleipi a hnin khotu hlasa phu an si hna. Hip hop dance in siseh, aw le zai, fashion tiangin zapi nih an uar ngaimi hna an si. YouTube tawlrel phu zong nih an conglawmh hna i an theihpi hna.

(1) Girl Generation

Sangbawi he cikhat

Sangbawi he cikhat

Suisui he cikhat

Suisui he cikhat!

Vawleicung Muidawh Bik 10

Vawleicung Muidawh Bik 10

Salai KB Laikhal

1. Nina Dobrev

Dobrev hi vawleicung ah ai dawhbik asi. Amah cu Bulgarian Canadian lemcang Fidi (actress) le model asi. Bulgaria ah a chuak i Canada ah a ṭhanglian mi asi. Amah hi zukcawl thlaknak in minthang a hung si. Fugitive Pieces, Away from Her, Never Cry Werewolf le drama dangdang in a minthang mi asi. Khualtlawn hi a huamzawng ngai asi. Lemcan (acting) hi a rawlthaw bik asi. Lemcan hi Armstrong Acting Studios in Toronto, Ontario, Canada ah a cawng. Minih an theih khunnak movie cu “The Perks of Being a Wallflower” timi asi.  

Mai Mercy Mang Hlei Iang he biaruahnak

 Mai Mercy 

he biaruahnak

Min                      : Mai Mercy Mang Hlei Iang

Nu le pa               : Rev. Dr. Lal Uk/Pi Thla Dim

Chuah kum           : 2 January 1994

Khua                    : Fungkah

Umnak                 : Thantlang, Hakha

Cawnmi                : BA (German Language)

Mitung                 : 5’ 3”

Zuammi                : Carel, khualtlawn, hlangaih

Rawl duhmi           : Lai rawl le Tuluk rawl

Thil rong duhmi     : Adum, dumdaang

Tinhmi                   : Miphun le ram ca riantuan   

Tlaihtleng              : “Cu lam cu a thukbik muihnak chungah kal hmanh sehlaw Bawipa, zeihmah ka tih lai lo. Zeicahtiah, nangmah nih na ka umpi ko”

E-mail : maimercyiang@gmail.com

Facebook : Mai Mercy

Tel : 0944200325

The Me N Ma Girls@ The Tiger Girls

Kawlram Hlasakthiam Phu,
The Me N Ma Girls@ The Tiger Girls
Lakah Chin Nungak Ai Tel Ve

 

The Me N Ma Girls@ The Tiger Girls hlasakthiam phu cu 2010 kum Myanmar's New Year Festival, Thingyan tuah lio in minung panga thim an rak si. Australia in laamthiam, Nicole @ Miss Nikki bawmhchanhnak thawngin le U Moe Kyaw le May nih a herhmi phaisa dih in an rak tawlrel (entrepreneur) mi hlasa phu an si. 

Meithal Maw, Daihnak Dah?

Meithal Maw, Daihnak Dah?

Salai Joseph KB Thawng

Naihrawng cu thawngpangchia a tam ngaite. November 19 ah a cangmi, Kawl ralkap nih Kachin Independence Army (KIA) ruahlo in an hlawm mi hna thawngko hi a hung tur. Ninglo canglo in nawn an si. A bikin Chin National Army (CNA) in  Ram Hngak le Biak Tin Lian zong nih mual an kan liamtak---lung a fak hringhran. Ralkap Cozah nih kum 50 leng an kan uk cang. Kan covo an kan chuh. Hramhram in an kan pen. A bikin tlangcungmi (ethnic groups) hi an kan pheu. An duhning paoh in hruai ding le an nawlngeihnak tangah chiah peng ding ah an kan ruah. Minung covo (human rights) a ngei lomi ko ah khin an kan ruah. Minung ciocio zawnruahnak thinlung a ngei lomi ralkap pawl an lor hringhran ko.  

Mt. Victoria le Chin Miphun

Mt. Victoria le Chin Miphun

(Ka Diary)

Ṭhinṭhang Phu, Mt. Victoria ah kan kai. Kan khuallam le kan i timhtuahnak kong ṭial kai tim lem lo. Ka lungfahnak le ka siaherh bia cheukhat pawl tu kha comcareilo in ka hun tian hna.

Mt. Victoria Min Sullam

Mt. Victoria, tihi British chan ah rak sakmi min a si. Mirang chan ah ral an rak tei hna tik paoh ah “Victory, Victoria, tbt. in minsak le theih camcinnak lungphun asiloah hmahthahnak, i cinkennak tete an rak tuah ṭheo. Anmah Kanpetlet nih cun “Khuanusum” an ti. Micheukhat nih “Khawnumtung, Khonumtung, Khuanumtun, Khuanumzun” tiah an ṭial. Ataktak ahcun “Khuanusum” ti a rak si. “Khuanu, ti cu Tlang vialte nu, a liannganmi Nu/tlang (the Great Mountain) tinak a si. Kawlte nih an i thawh riangmang i “Khuanu kha, Nat Ma; Sum kha tlang (Khuachia bawinu tlang= Nat Ma Taung) an ti---cucu nihin tiang in Victoria tlangah signboard taar a si lan.

Akuk he biaruahnak

Kawl hla awchuah, biafangkhek tein hla a sa khomi,

Laimi Hlasakthiam,

Akuk @ Cer Khun Sung

He biaruahnak

Min              : Cer Khun Sung @Akuk

Nu le pa       : Rev. H. That Ṭhio, Pi Ṭial Fam

Khua/umnak : Phai, Hakha

Chuah nithla  : 6 October 1992

Cawnmi        : B.Th

Mitung          : 5”

Muici uar phun : Anak le araang

Duhmi rawl      : Lai rawl paoh

Zuammi        : Hlasak, hlangaih le nihchuak zukcawl zoh

Tinhmi           : Vawleicung Pathian hlasakthiam minthang

Tlaihleng       : Pathian nih hngak rih, a ti ahcun zeithilhmanh hi a tlai ti a um lo.

E-mail           : cks.kuk@gmail.com

Facebook       : Molly Akuk

Facebook page : Cer Khun Sung

Tel                : 09400312176

Lungdonh Timi Cu...

Lungdonh Timi Cu…

Salai Joseph KB Thawng

           

A min 

 Lungdonh timi hi mizeimaw nih cun ‘zawllung’ tiah an kawh. Cun, ‘lungphun rem’ ti zong in an kawh fawn.

Lungdonh Phun

Lungdonh cu a phunphun in a um. Ca aa ṭial lomi lungdonh zong an um len. Hlanchan khuarop le lungdonh hlun tete kan zoh tikah cakei lu le minung an thahmi muisam tete an suaimi lungdonh zong a tampi. Cun, miṭhawng nih an zaang umpi kho loin lung an rak khin i nihin ahcun ‘lungdonh’ tiah kan kawh lanmi tete zong an um fawn. Cun, Laiphung ah puak ti a um. Upatmi le hmaizahmi pakhat khat kha puak an rak si i “Anih puaknak lung” tiah rak kawh a si nain, atu ahcun “Lungdon” tiin kan kawhpiak lanmi hna zong an um len. Cun, nun lio lungphun ti zong a um rih. Nu le pa upat peknak le khunchuknak caah an donhmi a si.

Van Sui Par @Vanvan he biaruahnak

Kawlram Huap, Miss Myanmar World ah Top-5 tiang a phanmi,

Van Sui Par @Vanvan

he biaruahnak

Min            : Van Sui Par@Vanvan

Nulepa         : Pu Myo Min, Pi Ngun Caan

Khua/umnak   : Hlaing Township, Yangon

Chuahni thla   : 27 July

Cawnmi        : BA English, Business (BARS)

Mitung         : 5” x 8’

Muici uar phun : Araang, asen, anak

 Duhmi rawl    : Bread le Korea rawl phun

Zuammi         : Hlasak,  zuksuai (sketch)

Tinhmi          : Khua le ram caah santlai mi nu pakhat

Tlaihleng      : Be strong and courageous for the Lord Your God I with you wherever you go (Joshua 1:9)

E-mail          : vansuipar1@gmail.com

Facebook        : Tin Sandar Myo (Van Van)

Dr. Dorene Van Bik he biaruahnak

 Lai ngaknu note, saramlei siibawi a simi,

Dr. Dorene Van Bik 

he biaruahnak

Min                    : Dorene Van Bik
Nu le pa             : Pi Ca Hlawn le Pu Eric Van Bik (Tleicia)

Chuah ni            : 1990 April 25

Khua                 : Hakha/Tlangpi

Umnak           : Kyungpook National University, Daegu, South Korea (cikhat)

Cawnmi             : Master of Veterinary Medicine

Muici uar phun   : Anak le araang

Duhmi rawl        : Lai rawl paoh (Cawsa chumh tel lo)

Zuammi         : Hlangaih, Hlasak, Hla phan, Caṭial, Carel, Biazai phan

Tinhmi            : Pathian ca le ram le miphun caah rian a ṭuan khotu ding

E-mail             : sweetys.white@gmail.com

Facebook         : Dorene Van Bik

Laica Ṭial Tikah Ralrin Awk Tete

Laica Ṭial Tikah Ralrin Awk Tete
Salai Joseph KB Thawng

Laica kan ṭialning tete hi aa dang ngai tawn hna. CACC zulhphung zulh khawh cu kan i zuam cio nain kan zul kho taktak cio lo. Tutan ka hun ṭialmi pawl hi ka thiambik ruangah si loin a fawite mi kan palh sual ṭheomi kha ka hun char bia. A thiam cangmi caah a fawite lai, a thiam deuh lomi unau hna caah ka hun vuak  a si. 

(Note : Word combination kong a si lo).

"a le e" hmannak

1. Kan 'ngeih' ning cu! (X) (Ngeih ahkhin 'h' hlo law "ngei" ah aa cang lai. A cahram (root word) zohchin pah a hau---a diklak cun a si ve lo.

2. Kan 'ngaih' ning cu! (√). (Ngai-ngaih in a root word zohchih pah ding)

Ṭian Zuun

Ṭian Zuun

Sinak  philh in  ka bihzun  cem

Tu cun kei hliamtu  Rose par  ah

A rop kho lo rualuahling bang

Kei thinlung ah fei bang chun

Zeibang maw kei thinlung hma

Hi bang zuunkhung ka tleem  cu

Nu lo riaklang ka hluan  mang rua

Run hram cio u khukṭhirual hna

Thinhnem rolung bunh lai ngai i

Cercin cuaihlei  Tin Iang ṭa nih

Zuul ai kun vanlai firuk bu bang

Ṭian lungphun le khundim zuun

Nawl len ko ning hmuh sung can

Sunghno ka nu sakhnem ruun toi in.

Mang Mangkhawng

Mang Mangkhawng

Tletlebuabua in

Akaa ahcun hmeteh na rawn

Mah le naamtlaih na ti pei

Do kan thlen taktak hih

Ka lunlo nih chi ka baar

Amah bon kan Democracy

Ramvai kan pangma dep

Refugee ṭum lawng kan bawh

A hau ve si nannih tele

Lopil zoh ah mit achong

Riitkhat hmanh nenh ṭung lo ah

Pate, kan Mangkhawng va phelh.