Rosy Tawk Ṭha Par he biaruahnak

Lai mino lakah Model le Actress lei in bochan awktlak,

Rosy Tawk Ṭha Par 

he biaruahnak

 

Min                       : Rosy Tawk Ṭha Par
Nu le pa                : Pu Zung Hei le Pi Ṭial Bang
Khua, umnak       : Congthia, Hakha
Chuahni                : 1 June 1997
Cawnmi                : History first year
Mitung                  : 5" x  8'
Muici uarmi          : Anak  le  asen
Duhmi rawl           : Sabuti, kyee Oo
Zuammi                : Laam, hla ngaih
Tlaihtleng             : Kannih cu vawilei cite kan si
E-mail                   : Hlinglakpar7@gmail.com
Facebook              : Rosy Par
Phone                    : 09442001358

Laimi mino te nih Kawlram huap in cawlcanghnak na hun ngeih khawhmi cungah kan ilawm.

Nan ka lawmhpi caah kaa lawm tuk ve.

Muidawh le fashion lei ah laksawng na co bal maw?

Chin Literature and Culture  Committee (CLCC) nih 2014 cacawn kum  fresher welcome tuah mi ah Princess sinak laksawng ka rak hmu bal.

Atu hi Model lei cu na cawng cuahmah si kaw…zei dirhmun dah na phanh cang? Zei bantuk ahdah na cawlcangh bal cang i naa timhtuahmi pawl hun kan chim law..

Atu hi model training ka cawng. Cun, zukcawl tling lemcang (ဇာတ္လမ္းရွည္) designer (hair) show, Essential days, Journal, Magazine, MIV tibantuk ahhin ka cawlcangh cuahmah lio a si. Cucu pehzulh kaa tim ko.

Zukcawl (romantics video) aa thla tiah kan theih. Zeibantuk, ahote he, director, actor le actress ahodah an si, zei title, zei dirhmun ahdah lemcang fidi na si, zeitik ahdah a chuah lai?

Aw, a si ko. ရွင္ဓမၼ၀ိတ္လာသ timi title in a bawm fidi (အရန္ေနရာ) in kaa tel ve. Director cu Myint Myint Khine a si. Fitlaw (actor) cu Moe Yan Son a si i Fidi (actress) cu Khaing Hnin Way a si. Kan zukcawl vedio belte zukcawl sau a si tikah zeitik a chuah lai cu ka fiang ve rih lo, rauh pah dawh a si.

Model he pehtlai in camipuai na phitmi na awnnak le pehzulh khawhnak lam na ngeihmi pawl, zeitluk indah zukcawl lemcang ah cawlcangh khawhnak lam na ngeih?

Model exam hi minung 48 aphi mi kan si. Cu chungah cun ca lei in mark tammi le kan cawlcangh (performance and action) zohkhek in an lungtlinmi minung pa 8 (nu 4 le pa 4 tiin) thim a si. Cu nu pa 4 lakah cun kaa tel kho ve. Kanmah minung 8 pawl hi Star &Models Agency he kumnga chung cawlcanghṭi khawhnak ka ngei.

 

Model le actress lei he pehtlai in Lai mino caah na saduhthah?

Laimi kokek taktak in model le actress tling hi kan um rih rua lo, tiah ka ruah. Cucaah, Laimi mino tampi (aa zami tampi an um ko) nih kan izuam chih ding a si, tiah saduh ka that.

Model le Actress 3, in Kawl le Mirang ah ahodah na uar bik hna?

Patricia, Angelina Julie, Megafox, Awn Seng, Wutt Hmone Shwe Yee le Thet Mon Myint hna hi ka uar ngaimi hna an si.

Nu Covo (women rights) kong na pomning le nu le pa kan ikhat ko (gender) tiah na ruat maw, a ruang?

Nu le pa timi cu kan i khat lo. Amah belte minungtling sinak (nu paw chung chuak ciocio) ahcun kan i khat ko, tiah ka ruah. Kan idannak a tampi bantukin kan i khatnak zong a tampi ve. Covo lei mit cun minung ciocio cu kan covo aa khah awk a si ko, tiah ka ruah.

Nu pakhat caah fashion hi zeitluk indah a biapit? Muidawh pakhat sinak dingah tah, natural beauty maw fashion dah a biapi deuh?

Fashion timi thuam le thil hi nu kan si ah, pa kan si zongah a herh ngaingai mi a si. A bikin nu kan caah a herh khun tiah ka ruah. Mui le sam in hawi kan tluk lo zongah fashion kan thiam ahcun duktla, zohco kan si kho ko. Cucaah, muidawh pakhat sinak dingah hin fashion hi a rak biapi deuh ko rua, tiah ka ruah.

Lai thilthuam (traditional dress) naa hruk caan i na lungput?

Lai thilthuam kaa hruk caan ahhin kaa lungsi khun. A uan zong kaa uang i a hnangam deuhmi bantukin lungput ka ngei.

Skirt tawite le angki hngawngbak kan i hruk caan ah kan lungput aa thleng tiah na ruat maw? Sexy and hot fashion kan i hrukaih ruangah kan ziaza aa thleng deuh, tiah na ruat maw?

Kan ziaza cu aa thleng in ka hmu lo. Asinain, hot and sexy fashion kan i hrukaih caan ahcun kan lungput tlawmte cu aa dangmi alo, sia a rem deuh lo, tiah ka ruah.

Lainu pakhat dirhmun in a sexy tukmi fashion cu kan hrial awk asi, tiah na ruat maw?

Ka ruat lo. Amah belte, a hmun, a caan le thil sining hoih in hrukaih thiam cu a biapi hringhran.

Mi cheukhat nih an chim tawnmi “Biakinn chungah cun sexy and hot fashion cu kan i hrukaih awk a si lo. Biakinn kan ṭihzah awk a si,” an timi cungah na ruahning.

Biakinn chung tu ahcun kan i rin deuh awk a si lai. Chantiluan cu cak ngai in luang ko hmanh sehlaw Laimi dirhmun ah (a bikin khuate ah) a cak taktak kho rih lo i hot and sexy fashion hi cu Biakinn chung koko ahcun kan hrial deuh awk a si. Kan fashion ruangah pawngkam mi hnahnawh kan peek khawh hna. Tc. Keimah zong hi Biakinn ah sexy ngai in pumh ka rak hmang nain atu cu ka hun i suum ngaingai cang.

Nang tah, fashion and dressing lakah zeibantuk design dah na uar bik?

Free-style in ṭhitmi dress pawl khi ka uar hna.

Chanthar Lai Mino kan fashion na hmuhning?

Chanthar Lai mino kan fashion hi amak lawlaw, ti hlei in chim ding ka ngei lo.

Biacah na duhmi a um ahcun…

Lai miphun hi khoika hmun kan phanh hmanh ah Pathian hi a pakhatnak ah chia hna usih. Kan tuahmi thil kip ah lungsau, teimaknak le zuamnak taktak he karhlan i zuam hna usih, tihi biacah kan duh hna. 

Lungsau in bia na ka ruah caah kaa lawm.

Keizong kaa lawm tuk ve.