A Dang CangTimi Hla Zoh Ṭhannak
Salai Joseph KB Thawng
Hlasatu : Sui Ngun Rem
Hlaphantu : Van Biak Lian
Computer cahmai ka ṭhutnak hmun in ka ruang ka hun isamh. Hla ngai ko ne ning ka ti. “A Dong Cang” timi hla ka ngai. Ka thinlung phundangte in a um i ka hun thai futfat. A Dong Cang mi tuanbia a ngeimi ko kai lawhter. Hlasatu Sui Ngun Rem hi June, 2013 ahkhan Ṭhinṭhang Mekazin cover girl in interview ka rak tuah. Hi hla kong zong ka rak hal bal. Tlawmte comment le feedback hun peek ka duh. Khuazeimaw hla kong a thei ngai, a thiam ngaipi bang ka hun zam len ko lai hih!
Hlabia Nih Tlangtar A Khen
Hla le ca cu aa ṭhen kholo, kan fiang. Hla asiah, capar a si zongah mi cheukhat kan cabia, hlabia cu a ṭha ngaimi alo nain kan tlangtar kan khel, kan nganh (keimah itel in). Phundang cun, mumal a ngei lo. Ruam-aam tlai lawng a si tawn. Muisam taktak a ngei tawn lo. Tc. “Dawtnak Khualipi” hei ti ṭung i nawisenhnuk in khuate Laikhal sining in hun rilh, hun khei ti phun khi a um ṭheo (Khuate sifaknak in khuapi lunglawmhnak ah, tiin hei thluuk tu ahcun phundang fawh iai). Cheukhat hla cu Lai hla bak a si ko nain asullam kai fian lomi a tam. I sualnuk khin comcareilo in tianmi biafang an um len. Lungzuurnak bantuk, ihnemhnak bantuk, dawtnak bantuk khin kan cawhmeh dih i kan tlangtar he ral an si ṭheo (cawh a haumi tete tu cu an um len ve lai).
Mah hi hla (A Dong Cang) tu hi cu hlaphantu (mino te a si nain) nih felfai ngai in a hun rilh, tiah ka ruah. Voihnih voithum nolhcip in ka ngaih tikah a biafang, a bia tian aluutaw ai merh lo. Catlang bing a cat lo. Sullam ping a ngei lo, a thlum ngaingai---keimah hnatheih ah (a hla aw le solfa tbt. cu zeihmanh theihmi ka ngei lo).
Hlasatu Awzai le Hlabia
Hlasakthiam pawl nih, “Hla timi hi aw in sakmi le thinlung in sakmi, tiin a um” an ti tawn. Mah hi hlasatu tu hi cu thinlung he aw he a sakkep rua (?). Hlasatu aw a thlum. A aw a hninghno ngaingai. A awrau nih A Dong Cang mi tuanbia a ngeitu hna thinlung le thluak ah hmun a laak ṭheo lai. Ngaih tikah thinlung tha a dam. Zuunngaihnak le ngaihchiatnak hna in ngaih ahcun khuaruahnak thluak a tur. Thinlung ai tengtele. Tintling cungah merem kholo in tleupuul a fawi. Mitthli dawnh khawh lo a fawi.
Hlabia le A Dong Cang mi Tuanbia
Ka tuak tikah hi hla hi “Tuanbia a donghtertu” sinin “Tuanbia kengtu” sinah a hei huainak in aa thawk, tiah ka ruah. A biafang ahhin biathuk a um lo. A puanpar tete an si nain tuanbia kengtu nih lungkuai ngai in a thinlung cahmai ah biafang caangkhat hnu caangkhat in a hun tianmi a si. A hei sian lo tuk ngengaw bute khin minu nih maw, mipa nih maw tuanbia cu a donghter. An tuanbia ṭialnak cahmai tampi a taang rih. An bawlpen catihang akang (reu/dih) rih lo. Tuanbia kengtu nih, elaw…dongh hram a thawk ne hi teh ti a theih rualrual lam tampi in a chawhkanh nain tuanbia donghtertu nih lamphawk (short-cut) in a tan, a lanhtak diam. Zalam ton hmanh ah pheu a sining, thilcang zumh khawh lonak thluak he a ngang. Umtuzia thiamlo in a hmaw. Ca ah khenhmi si loin thinlung ah khenhmi, ṭialmi biafang vialte tuanbia donghtertu nih fawizaang ngai in a thleh, ri a lonh. Hi hlabia hi tuanbia a ngeitu mi tampi thinlung ah runh lakin a luut lai ti ka zumh, a ṭha ngai.
Lai Hlaphantu Hna Caah Saduhthah
Khuazeimaw a theipi bang ka hun vuak ṭhan, kei ṭheo. Lai mino tete hlaphanthiam (composer), biazaiphanthiam (poet) tampi an hung um tikah lunglawmh awk taktak a si. Hla le ringawn (music) timi cu mizei thinlung hmanh ah hlang lakin a lut khomi a si. Kan ngaihchiat ah siseh, kan lunglawmh ah siseh, awzai le ringawn nih kan nun a mawn tawn. Mitthli a tlakter khawh bantukin mitthli a hulter khawh, cun lawmhnak zong a kan peek khawh fawn.
Cun, hla le biazai hi ṭhen khawh a si hoi lo. Cafang, cabia, hlabia aa zulh, pehtlaih theng lo zongah ning le cang a tlaimi hla, ca a si a hau. Biazai le hla timi cu sullam khat kha cafang phir asiloah catlang phir in tianmi an si lo---kan theih dih ko. Tc. Kawl hla khi a biafang pakhat hnu pakhat in kaa fian ngaimi kha a huap in ngaih tikah asullam ka theih lomi a tam, Mirang hla zong cu ṭhiam. Chim duhmi cu sullam thuk, sullam fian a har ngaimi a si kha a herh ko nain, kan i fian lomi hla le cabia cu mi thinlung ah hmun a ngei lo. A ruang cu kan catlang le kan biafang bing a cat tawn.
Hlaphanthiam le biazaiphanthiam pawl hi upat ngaingai awk an si. Hla le biazai cu thinlung in a rung luangmi biafang, biathlum an si tikah a phantu zong nih felfai tein khet ngaingai, rilh ngaingai a hau ve. Hla timi ahhin rap e, rock e, country e, hip-hop e tbt. cu ka thei naisaisariat ve lo. A si nain, anmah le sining, biafang, aw cio nih mi thinlung ah hmun a laak tikah a phantu (composer) hi kan biapi ngaingai.
Hlasakthiam pawl nih, “Hla timi hi aw in sakmi le thinlung in sakmi, tiin a um” an ti tawn. Mah hi hlasatu tu hi cu thinlung he aw he a sakkep rua (?). Hlasatu aw a thlum. A aw a hninghno ngaingai. A awrau nih A Dong Cang mi tuanbia a ngeitu hna thinlung le thluak ah hmun a laak ṭheo lai. Ngaih tikah thinlung tha a dam. Zuunngaihnak le ngaihchiatnak hna in ngaih ahcun khuaruahnak thluak a tur. Thinlung ai tengtele. Tintling cungah merem kholo in tleupuul a fawi. Mitthli dawnh khawh lo a fawi.
Hlabia le A Dong Cang mi Tuanbia
Ka tuak tikah hi hla hi “Tuanbia a donghtertu” sinin “Tuanbia kengtu” sinah a hei huainak in aa thawk, tiah ka ruah. A biafang ahhin biathuk a um lo. A puanpar tete an si nain tuanbia kengtu nih lungkuai ngai in a thinlung cahmai ah biafang caangkhat hnu caangkhat in a hun tianmi a si. A hei sian lo tuk ngengaw bute khin minu nih maw, mipa nih maw tuanbia cu a donghter. An tuanbia ṭialnak cahmai tampi a taang rih. An bawlpen catihang akang (reu/dih) rih lo. Tuanbia kengtu nih, elaw…dongh hram a thawk ne hi teh ti a theih rualrual lam tampi in a chawhkanh nain tuanbia donghtertu nih lamphawk (short-cut) in a tan, a lanhtak diam. Zalam ton hmanh ah pheu a sining, thilcang zumh khawh lonak thluak he a ngang. Umtuzia thiamlo in a hmaw. Ca ah khenhmi si loin thinlung ah khenhmi, ṭialmi biafang vialte tuanbia donghtertu nih fawizaang ngai in a thleh, ri a lonh. Hi hlabia hi tuanbia a ngeitu mi tampi thinlung ah runh lakin a luut lai ti ka zumh, a ṭha ngai.
Lai Hlaphantu Hna Caah Saduhthah
Khuazeimaw a theipi bang ka hun vuak ṭhan, kei ṭheo. Lai mino tete hlaphanthiam (composer), biazaiphanthiam (poet) tampi an hung um tikah lunglawmh awk taktak a si. Hla le ringawn (music) timi cu mizei thinlung hmanh ah hlang lakin a lut khomi a si. Kan ngaihchiat ah siseh, kan lunglawmh ah siseh, awzai le ringawn nih kan nun a mawn tawn. Mitthli a tlakter khawh bantukin mitthli a hulter khawh, cun lawmhnak zong a kan peek khawh fawn.
Cun, hla le biazai hi ṭhen khawh a si hoi lo. Cafang, cabia, hlabia aa zulh, pehtlaih theng lo zongah ning le cang a tlaimi hla, ca a si a hau. Biazai le hla timi cu sullam khat kha cafang phir asiloah catlang phir in tianmi an si lo---kan theih dih ko. Tc. Kawl hla khi a biafang pakhat hnu pakhat in kaa fian ngaimi kha a huap in ngaih tikah asullam ka theih lomi a tam, Mirang hla zong cu ṭhiam. Chim duhmi cu sullam thuk, sullam fian a har ngaimi a si kha a herh ko nain, kan i fian lomi hla le cabia cu mi thinlung ah hmun a ngei lo. A ruang cu kan catlang le kan biafang bing a cat tawn.
Hlaphanthiam le biazaiphanthiam pawl hi upat ngaingai awk an si. Hla le biazai cu thinlung in a rung luangmi biafang, biathlum an si tikah a phantu zong nih felfai tein khet ngaingai, rilh ngaingai a hau ve. Hla timi ahhin rap e, rock e, country e, hip-hop e tbt. cu ka thei naisaisariat ve lo. A si nain, anmah le sining, biafang, aw cio nih mi thinlung ah hmun a laak tikah a phantu (composer) hi kan biapi ngaingai.
Note : Hi cekhlainak le zoh ṭhannak hi hlaphantu, hlasatu hna hnursuannak le soiselnak ah ṭialmi a si lo---saduhthah bia.
No comments:
Post a Comment