Phaizawngpar Ka Dawt

Phaizawngpar Ka Dawt

                    Salai Joseph KB Thawng

U Bawi, U Bawi, tho cang. Suimilam  7 :00am a si cang hih! Na hawile nih tuzaan Sweet December donnak kongkau kan ceih lai an ti i innleng in an in hngah, tho cang. Ka far Hnianghniang bia nih ka ruah mi vialte, a phalh dih. Ka hmai kaa phiah i chak umsang Iangiang te inn ah kan kal hna. Kan dihlak meeting aa  tel kho mi 11 kan si. Uisih tlanglei  in Zatlir a kan tlawn liote a si i ai tel kho ve.

Iangiang nih, “Aw, nan phan cang maw, rak ṭhu u!” tiah hmaipanh tein ṭhutnak a kan peek cio. “U Bawi na mang a ṭha maw” tiah a ka hal. Ah! kaa ruat i ka mit ka vun i hnuai (aw ka mang ah Iangiang he kan lengṭi tak mu kha)  aw a ṭha ko, nang tah. Aw a ṭha ve ko. A kan hruaitu bik, Pathang cu a hung dir i meeting kan tuahnak achan le kan ceihkhan laimi cu hramthawk thlacamnak a ngeih dih hnu in a kan thanh. An ceihkhan mi cu a  ngaimi te ka lo ve nain, ka ruahmi cu ai dang tuk cang. Ziah! Iangiang te inn celngel ahhin meeting kan tuah hnga?  Cucu um rih seh, voidang ah Salai KB tiin a ka kawh tawnmi, cu zing theng te i U Bawi a ka ti mi hrim hi. Ka mang maw cang hme, tiah ka mit ka van i hnuai i 8:00am a si cang. Zingpakhua in cucu lawng te cu ka ruah hnga. Pasal, tiin ka ruahmi vialte cu ka lungkil ne te ah ka vun tenh duak. Ka mit kaupi in ka vun i au hramhram.

Za Tlir cu a hung dir i “Nan khualei Christmas hi ka hmang ve bal lo i  zeitin nan hman ka thei lo. Kannih, Khiahhrap le Thingtu hrawng hna ahcun December thla hi nungak tlangval puanzawn thla, tiah a fawinak in kan kawh cang. Ataktak ahcun Jesuh tu hi puan kan zawn ding a si nain. Kanmah tu lehlam lum emem in kan i zawnmi hi cu ruah awk ngai a si ko” tiah Matt.8:20 kha a vun i char zau i siaherh ngai khin a vun kan chimh.

Kan lung a lut nawn hna i kan lu kan suk len. Nain, Za Khirh Thang, kum sawm thum a si cang nain nungak voikhat hmanh a ngei ve lomi nih capo biatak khin, “Hi bantuk caan hna i tlangval pawl nih caanṭha kan i laak ve leh lo ah” a vun ti i phung pheng in kan ni hna. A zei sikhom ah, mah le cangai khorh ti ṭheo ah kan tla hna. Kan meeting cu a donghnaklei ah ka hung kal. Zaan 12:00am hnu ah Carol singing vaak ding in group 4 ah an kan ṭhen i  Iangiang he kan itong hoi ai. Cuticun Kawi Ram thlacamnak in kan meeting cu kan donghter. Nain, Iangiang a ruattu ka thinlung belte dongh a thiam ti lo i ka thawchuah aa su nawn cang. Ka nun nih a phurh khawh lo mi thil pakhat a um. Cucu, duhdawtnak a si.

Khoi pasal, zaan 12:00 hlan cu ka lor kho ko sawk tiin, Iangiang te inn ah. A nu le pa cu maktak laih thei an si. Khah, Salai KB kannih hi kan va leng ta lai, rak i leng ko uh awh. A nu le pa an um ti lo i hmunhma ka la colh. Tappi mei cu ka vun i karkhumh. Meifar ka kemh chel, vok rawl ka cawh chel. Iangiang kan duh tuk  ti chim hi kaa hngahhlang tuk nain, cite liah ta lomi saṭil cu an hrang i an le tawn ti kha ka vun thei ṭhan.

Iangiang,  hawi, zeidah?

Cu maw, tuzing kha ziah U Bawi tiin na ka kawh!

Cucu maw, kan upatnak ka langhter mi a si. Cun, U Bawi timi hrim hi ka uar tuk i ka tlaihchan tuk fawn. A ziah! U Bawi ti cu na duh lo i ma?

Aw, si lo, kaa lawm tuk ko nain.

Hum! Zei nain

Cu maw, ka duhning min tein, in ko ve ning law tah?

Zeitin na ka kawh lai i.

Dawtte, tiin, hehehe.

Ai...U Bawi pi cu na ka neng tuk aih, tiin ka liang ah voi 3 a ka cumh. Hnoh a thiam tuk i a hmurte khi phundang tein a van tuah. A ningzak i a vun ka zoh ngam ti lo. Tappi hram ahcun a khukbu tum cungah a khabe doh te khin a ṭhu. Khah, Dawtte, ti kawh cu na duh lai maw? A aw a thir i a lu khun bu te khin, Dawtte ti cun na ka kawh cang ko hen cu :D. Oh...Yeah ! Hallelujah, ka ti i 1,2,3 ah kan pahnih in Amen kan ti huar, hehehe.  

Dawtte, Korea kiss in voikhat tein mu.

Aih, ka nu kan chimh lai hih!

Na nu le pa an ṭin rih lo hahaa...ka van a ṭha.

Si zong ah innpa theih in ka au ko lai.

Aa…mah ticun a si lopi. Cal hnamh tham cu a thiang ko hen cu. A hal cu kaa foih ngai nain, kai otsai kho ti ruam lo. “Duhdawtnak, timi hi ningzahnak phen ah a rak i thupmi, leithuang naa ban tuk a rak si” tiah ေကာင္းသန့္ nih a ti. A caan ahcun, fungfek in huai len hna a hau tawn.

Khoi, pasal ka si lo maw tiin ka thinlung cu fungfek in ka von tuk ve phot. A cal le ka hmur an vun iton rualrual cu ka cilkari dolh thawng hmanh khuatur thawng ko alo cang. Ka thinlung nih le utlak khuangbeng ko ka lo cang. Phuhrut ti ah, chuk tolh in ka hung tolh hrut  i awr (or) a tok khomi, a hmur thlum te ah kai bat huar. Meitlaan cu chuk hmuar in hmuar mi paoh cu a phalh a fawi te nain, kei ka tlaan ning tu hi cu phalh fawi dawh a si ti lo, hahaha.

Cuticun dawtnak hrihrual nih fek ṭhup in a kan ṭem i suimilam 12:00 cu a hong tling. Pumhnak service kan hman hnu ah carol singing cu kan vaak hna. Pu Za Tlir nih a chim bang, kum hleinga in a cunglei mino paoh cu puan an i zawng dih taktak. Aw...capo biatak in pei a chim rua tinalak ah ruah tlak pei a rak si hi ka hei ti. Asi nain vaalṭul pawl nih nungak he puan an i zawn hnuhnu cu, an kut lawng lo in rian an ṭuannak ni le caan a si ve hoi. Lengṭul zong cu ṭhiam. Cuticun December zing lei khua cu a hung dei. Dawtte he kan i ṭhen kho ti lo. Hmunkhat kan um lebang ahcun, kan i ṭhen bal lo, hehehe.

++++++

U Bawi na ka daw tak tak maw? (Dingṭeo in a ka zoh)

Daw e, daw tuk hen ta. Keimah nakin ka nu le pa nih an in dawt deuh.

Hnga!...Zeitin e, na nu le pa nih ma an  kan theih. A mit au a reng nawn i ka lau pah.

Thei e, December ni 1 in ni 20 tiang cu hme rianṭuan lo cun na pawngte ah ka um peng hi. Vok rawl ka peek lonak le ar rawl ka fah lonak hmanh a sau tuk cang si. A thinhung rua lai tinalak ah, cuti si cun hung ka pua, a ka ti :D.

Alaa ...khoi in pua zokzok ning.

Um!... Korea zatlan (Romance ) na zoh tuknak ah, Korean actress na lo cang. Naa hnoh ning le puak na uar ning hrim hi Han Cin Su he nan ilo tuk.

Ai...na ka nehsawh tuk, hung ka thlah, ṭumning a ti i ngakchia nuar in a vun i nuarter ta hoi. A za cang Dawtte, ka ngaithiam mu, kan ti bak ti lai lo. A hmur cu hailengku tia deng in aa bo. A kam aa seh i a fak sual lai ti phan bu te khin ka cal voithum a ka peh ṭhan.

Kei tah ahodah ka lawh!

Awro nawn khin, Sung Cu Kaa!

Eheu…nang cu na thinhung nain kei cu kai lawm tuk hih. Na duhmi chim kan dangh lai. Lakphakti maw eiding phun pei a chim rua lai tiah,

Cu maw, hung ka pom law voikhat tein  ka kiss ta. Elawlaw… Lian Do Dal style cun, voihnih kan lo ai. Dawtte, naa hnoh ning hrim hi duh na nung tuk eh. Dawt lo awk le tlaihchan lo awk hrim na ṭha lo. Ka ṭaang cungah a kuthnih in a vun chiah. Zaan thlapa te nih a mithmai a vun ceuh. Thlizil te nih a hmailei sam te khi a vun chem i ka vun hei piak cu… "Ka zoh deuhdeuh, ka duh deuhdeuh" timi bak a si cang. Aa dawh ning ka zoh nak ah "kiss" ka philh ai. U Bawi , rak ka hnam zok cang hen. Oh ! Sory ,  khoi, puk a, puk a, puk a, a za maw, za, hihihi.

Zaan cu a hung tlai chinchin i thlapa te zong kan caah ready ka si hei ti phun te khin kan cungah aa chok len ve. Zaandai, December ni 20 zaan a si i zei thawngpang hmanh a leng lo. Thlang um sang Parku leng mi tlangval pawl nih meifar an cehmi thawwngpang dah ti lo cu. A kik deuhdeuh i ka ṭangnem ah a vun i beek deuhdeuh ve.

U Bawi, nang hi carel na zuam ngai i theihtlei tete rak ka chim mu. mumu....eh, ti hme, ka hnakhaw zong sen viar in a ka dawh. Aw si lo, vei mu pangpar ah khin zei par dah nang na duh bik?

Cu maw, phaizawngpar.

Ziah! Phaizawngpar cu na duh bik.

Vei mu,

Phaizawngpar cu mu, khuasik cingling ah a parmi a si. Pangpar dang cu dapti kik nih a phurhmi zawtnak (tlangrai) an tuar kholo i an con, an kir i an thi tawn. I pheh lo tein, nang zong a kik tuk i ka ṭangnem  ah naa beek deuhdeuh ve ko hih mu hehe. Minung hmanh nih angkileng zuunhnih  in i aih kan duh thla, December thla ah phaizawngpar cu aa dawhnak iang chuah in a parmi a si. Cu ban tuk cun, kan Bawipa Jesuh Khrih zong van sunparnak kaltaak in, zaandap kik le khuasik zaan, Bethlehem cawrawl einak kuangah a par (chuak) ve. Cucu, misual mi hna kan caah aa dawh bik mi par le a sunglawi bik mi par a si. Cu lawng hmanh a si lo, a niam bik caw rawl einak kuang in a fak bik mi thihnak tiang in a kan tuarpiak. Cucaah “Pathian nih a sannak ah a cawi i min sunglawi bik a peek (Phi.2 : 9).

Eee...Dawtte, kan thlanglei khi hei zoh hmanh! Kan chimh lengmang mi phaizawngpar cu khi. Dapti kik nih a tlak i a tuam dih nain, thlapa nih a vun ceuh tikah dapti kik cu aa dawhnak ah a cang ko.

Mitampi nih an phai tawn, kan Lairam har le sifah cu, lum nikhua kan ngei kho lo. Kan kik tuk hringhran i nu thlulo, pa thlulo, in ramdang ah kal vial lawlaw ah kan ṭha ko lai an ti. Asi nain, zaan thlapa bang, December ah a vaang (ceu) mi Bawi Jesuh nih kan harnak, kan sifaknak le kan kihnak vialte a vun kan ceuh ve ahhin cun, kan harsatnak hi kan i dawhnak ah an cang ve ko.

Dawtte, nang le kei zong dapti kik hi kan i ṭamhnak (make-up) le kan idawhnak si ve hram sehlaw, iangngei December phaizawngpar nun hi kan ibih mi thlalang le kan i zohchun awk nunnak si ve hram seh mu.