Dingdi Par he biaruahnak

Di Dee

he biaruahnak

Min               : Claudia Dingdi Par @Di Dee

Nu le pa          : Pu Ṭha Kung, Pi Ṭha Ṭha Ngun

                    (Director, office of the Auditor General of Chin State)

Umnak            : Yangon (North Dagon)

Cawnmi           : LL.B

Rianṭuanmi       : Managing Director @ACE

Mitung            : 5" x 2'

Thil rong duhmi   : Anak le a-eng

Duhmi rawl       : Hot Pot

Huammi           : Shopping

Tinhmi            : Thil tuaktan khomi le khuaruat khomi hruaitu ṭha

Tlaihtleng         : Ṭhat lonak kha ṭhatnak in tei izuam u! (Rom.12:21)

Facebook          : Di Dee

Tel               : 09421178767

Hi! Di Dee, biaruah kan in duh ko. Caan na kan pe kho lai maw?

Kaan peek khawh ko hna.

A hmaisabik ah na konglam tawi, na chungkhar kong le na sianginn kainak kong hun kan ruah law…

Keimah ka min cu Claudia Dingdi Par @Di Dee asi. Ka nulepa cu, Pu Ṭha Kung, Pi Ṭha Ṭha Ngun (Director, office of the Auditor General of Chin State) an si. Maymyo ah a chuak i a ṭhanglian mi ka si. Pyin Oo Lwin ah taanghra tiang ka kai. Dagon University LL.B in ka dih.

Atu hi ACE company ah Managing Director (MD) asi, tiah kan theih i kan in lomhpi. Cu rian cu zeitindah na hmuh khawh, cu company cu zei bantuk company dah asi?

Mah, MD ka hmuhnak hi cu Pathian thawngin asi ko. ACE company cu      U Phyo Ko Ko Thint San nih a ngeih mi asi. Hotel, Construction, Tours and Football Club, tbk. pawl kha kan    company department chungah an um hna.

Korea le Singapore tbt. zongah khual a tlawng tawn tiah kan theih. Zei bantuk kong ahdah na tlawn cu…?

2012 ah Korea le 2013 ah Singapore a si. Keimah pumpak herh ah ka tlawng  i a si.

Asiah cun, kai reetmi in hal cang ning luau. Atu hi boyfriend (tlangval) cu na ngei cang ko lo maw cu?

Ka ngei rih lo, ka lawng ko hih!

Ah...! Mah tluk muidawh le rank sang nungak pakhat nih ka lawng lo ti cu kan zum lai maw aih?

Nan zumh khawhnak dingah a chimzia ka thiam lo. Ka ngei taktak lo, in ti ko ning.

Nupi, pasal dingah miphundang ṭhit le vaat kongah na pomning.

Minung cu kan ruahnak aa khat cio lo. Nupi pasal kong hrim ahcun aa dang chinchin. Asinain a fiangmi cu mah miphun te he iṭhit-vaat cu a ṭhabik ko.

 Ṭhit-umhnak kongah tlik le zaam, itlunhnawh le ifanh kongah na pomning.

Duhnak cu ramri a ngei lo. Asinian, a thiang ṭhit-umhnak cu a ṭhabik ko.

Laimi kan phung, ṭhit-umhnak kongah ‘chaw hauh le man manh’ kongah na pomning.

Phung paohpaoh hi an ṭha dih lem lai lo. Laimi kan phung zong a ṭha dih kho lai lo.   Cucaah, a ṭhami cu kilven ding le a ṭhalo mi cu kaltak dingah ka ruah ko. Man manh le chaw hauh zong cu nihin kan chan he aa tlak in hman awk asi, tiah ka ruah.

Biadang ah, atu hi Kawlram ah na chuak, na ṭhanglian va si kaw, Laica le Laiholh na thiam maw, na rel/ṭial kho maw?

Laica le holh ka thiam ko. Mekazin le Journal tete zong ka rel ngai ko hna.

Lai tlangval sinak lakah na huat phun le na uar lo ngaimi phun hun kan chim law…

Laipa pawl ziaza ah ka huat phun, ti si loin iremh hna seh, ti ka duhmi cu: Zu tamtuk in din loding, kuak zuuk loding, kunza khai lo ding, Lady first thinlung ngeihding, le midang duhnak theihthiampiak ding hi ka duhpiak hna.

Pasal caah na saduhthah…

Pathian a theimi,  bochan awktlak mi le a ka daw taktakmi hi ka saduhthah cu asi.

Muidawh pakhat sinak ding caah mihring dawhnak maw a biapi deuh, thuamthil dah?

Keimah ruahnak ahcun chan nih a kalpi bantukin atu chan ahhhin cun thuamthil (fashion) hi a biapi deuh ko rua, tiah ka ruah.

Careltu le a bik in mino hna sinah biacah na duhmi a um ahcun…

Caanṭha kan ngeih lioah man ngeite le sullam ngeite in hman izuam hna usih, tiah biacah ka duh hna.

Na caan peek in bia na kan ruah caah kan ilawm.

Keizong kaa lawm tuk ve.