Ramdang Peem Mitthli
Maw...ka fa,
Zuu bang kan tokok
Puur nih kan namhnuul
Paam ṭo nih kan deng
Peem raifanh kan tem.
Kawlram uknak nih le
Pei le zaa bang kan thal
Ui ar tlik in kan tli dah
Kan thabat thlanhri puut
Khuk thathirh khuacimui
Thlakokbaar mithmai he
Um... Kawl ralkap ngai hi
Ral maw an kah, ral lo hme?
Maw...ka fa,
Thlaza cam ko rih usih
Ramthar ahcun mu…
Zuunngaihnak mitthli kan thla ti lai lo
Fahniang zuun mitthli a hul te lai
Cingla zuunngaih mitthli a hul te lai
Zaanṭim mitthli hnawh um ti lai lo
Kan ngaituk timi biafang kan thlau te lai
Muihmuh loin mual kan liam ti lai lo
Fahniang zuun in kan hrut ti lai lo
Lairam ah Laimi kan i tong te lai
Cu…ramthar ahcun…
No comments:
Post a Comment