Kawl
hla awchuah, biafangkhek tein hla a sa khomi,
Laimi
Hlasakthiam,
Akuk @ Cer Khun Sung
He
biaruahnak
Min :
Cer Khun Sung @Akuk
Nu le pa : Rev. H. That Ṭhio,
Pi Ṭial Fam
Khua/umnak : Phai, Hakha
Chuah nithla : 6 October 1992
Cawnmi : B.Th
Mitung : 5”
Muici uar phun : Anak le araang
Duhmi rawl : Lai rawl paoh
Zuammi : Hlasak, hlangaih le nihchuak
zukcawl zoh
Tinhmi : Vawleicung Pathian hlasakthiam
minthang
Tlaihleng : Pathian nih hngak rih, a ti ahcun
zeithilhmanh hi a tlai ti a um lo.
E-mail : cks.kuk@gmail.com
Facebook : Molly Akuk
Facebook page : Cer Khun Sung
Tel : 09400312176
Hi!
Akuk, biaruah kan duh, caan na ka pe kho lai maw?
Aw, kaa manh ko,
kaan peek khawh ko.
Kawl
awchuah le biafangkhek tein hla na sak khawhmi cu kan lawmhpi ngaingai.
Pathian thawngin
a si, kaa lawm tuk ve.
Zeitik
indah hlasak hi na rak i thawk?
Taangli ka cawn
lio in ka rak sa cang.
Atu
hi Kawl hla fung zeizat set dah na sak cang cu?
Fung 31 a si.
Lai
hla tah na sa el maw, fung zeizat?
Ka sa ko. Midang
tape phel ah ka bawmhmi hna hi fung 13 a si. Cun, keimah pumpak in ka chuahmi album
le Group Song phel khat ah ka sa.
Keimah
pumpak album na timi cu zeibantuk?
“Khoihen Hmunhma
Thiang” ti a si. Fung 13 a si i USA lawng ah chuah (relesse) a si.
Caan ka pe kho
deuh rih lo. Hmailei ahcun caan peek khawh kaa zuam ve te lai.
Pathian
hla deuh (Revival or Gospel song) na sa va si kaw, na hla lakah Kawl le Lai ah
naa lunghmuih bikmi hla zeidah an si?
Kawl hla ahcun
hlapi “Thitsar Ananda Mittar Shin” timi hla le Lai hla ahcun ka nu nih a ka
phuahpiak mi “Ka Aunak Aw” timi hla hi kaa lunghmuih bik hna. https://www.youtube.com/watch?v=GcPTBOaHK9w
Kawl
hla na sakmi hi a phuahtu Laimi deuh an si maw, ahote hna dah an si?
Aw a si ko.
Keimah he Bible sianginn a kaiṭ mi ka hawile an si hna. Issakar, Samuel Ṭhio,
Tun Tun le Roberta hna an si.
Love
song na sa bal maw?
Ka sa bal ko.
Taanghra ka dihka ah ka ṭa Lal Cung Nung (Alal) nih a chuahmi “Kan Lai Hiphop”
timi ahkhan ka u Thawn Bawi he “Ruun Dangah” timi hla kan rak sa. Mah ka sakmi
kha love song ka sak hmaisa bik le a donghnak a si.
Ziah,
Love Song cu tampi in na sak lo. Love Song sak na duh lo bia a si maw?
Ka duh lo le ka
uar lo a si lo. Minung cu duhdawtnak thinlung a ngeimi, khua a sami kan si
tikah love song sak hi a palh ka ti
lo. Keimah dirhmun in ka sak ti
lonak tu hi cu Pathian lawmhnak ka hmuh hnu in Amah Pathian thangṭhatnak hlasak
hi ka diriamhnak le kaa lawmhnak a si ko caah Pathian hla deuh ka saknak a si.
Kan awzai in kan thangṭhatnak nih Pathian lawmhter ve seh ti ka duh.
Nangmah
pumpak in album or tape phel chuah nolh hna naa tim el lo maw?
Si, chuah nolh
cu kaa tim ko, thla ka cam cuahmah lio a si.
Hla
ahhin aw in sakmi le thinlung in sakmi a
um, tiah na ruat maw, cucu zei hna dah an si?
A um tiin ka
ruah ko. Lungtak tein kan sak ahcun kanmah nunnak lawngah si loin a ngaitu hna
thinlung le nunnak kha a kah i hmual a ngai. An thinlung ah fakpi in rian a ṭuan
fawn. Aw menmen in sakmi cu “A aw a ṭha” ti vial in a dih tawn. A tawinak in
chim ahcun “Thinlung in sakmi cu nunnak in sak a si i, aw in sakmi cu style
menmen a si, tiah ka ruah.
Hla
asiloah ringawn nih minung kan thinlung hi a thlim khawh, tiah ka zumh. Hla na sak
caan ah zeibantuk feeling dah na ngeih?
Pathian hla kan
sak tikah hin felling le emotion tehna in sak khawh a si, tiah ka ruat lo.
Pathian hla cu a lianhngan tuk tikah music ṭhat ruang lawng zong in sak khawh a
si lo. Keimah dirhmun in chim ahcun, ka sakmi hla nih a ngaitu thinlung ah hmun
a ngeih i Pathian dawtnak an theih khawh nakhnga saduhthahnak he ka sa.
Hlasakthiam
minthang pakhat si khawh nakding ah aw maw a biapi deuh, hlabia. Asiloah,
zeidah a biapi bik tiah na ruah?
Nika le a ceunak
cu ṭhen khawh a si lo bantuk khi a si ko. Aw le hlabia cu ṭhen awk an ṭha bak
lo. Hlasakthiam minthang si khawh nakding ahcun aw siseh, hlabia siseh, hla
umkalning le sakning tune hna ṭhat hi a herh bik ko.
Hi
hlasaknaklei hi na pawcawmnak tiang in sak le pehzulh naa tim maw?
Si,
ka nun chung paoh cu Pathian thangṭhatnak hlasak hi kaa tim ko.
Hlaphuahthiam
(composer) ah na uar bik mi pahnih cio : Lai, Mirang le Kawl ah.
Rev. Paul Ram
Cung, Evan Za Kian; Hark Williams, Victory Crown; Sang Pi, Saw Win Lwin hna hi
ka uar ngai hna.
Hlasakthiam
(singer) lakah na uar bikmi pathum cio in : Lai, Mirang le Kawl.
Sung Tin Par,
Esther Van Hnem Sung, Evan Tial Uk; Carrie Underwood, Demi Lovato, Shanai
Twian; Sang Pi, Irin Zin Mar Myint le Zam Nu hna hi ka uar hna.
Khah,
biadang ah kan kal pah lai. Atu hi na lawnglo sual maw cu?
Heee, pumpak in
lakphakti dawr ah ka sawm te.
Elaw…khe,
siseh uau. Asile, pasal dingah na saduhthah tal cu kan chim law…
Zukhmawm a tawng
lomi, Pathian a ṭihzahmi, a holh tam lomi, pawngkam zoh a thiammi, cun, a
pawpuar lomi heee.
Zeitik
ahdah pasal na ngeih lai. Kumkhua in rikhiahnak na ngei maw?
Kumkhua in
rikhiahnak cu ka ngei lo. Pathian nih ka caah a ṭha bik in khua a khan ko
lai--- ka hngak ko hih!
Lai
phung in man manh le chawhauh kongah na pomning?
Chaw le man hi
ka uar tuk lem lo. Kaphnih chungkhar i theihthiam le i dawt hi a biapi bik ko.
Hlasakthiam,
hlasak zuammi mino hna sinah biacah na duhmi a um maw?
Biacah ka duhmi
hna cu; hla kan sakmi nih kan paw a kan cawm lo zongah hnupil (give up) si loin
hmailei kan i tinhmi kawltung lei ah kal cuahmah ko u. Miphundang hla (tc. Kawl
le Mirang hla) tiang in sak khawh i zuam in kan ram le miphun cawisan i zuam
chinchin hna usih. Pathian bochan bu le ṭihzah bu tein kan ram le miphun a
sersiamtu, a cawisangtu le min a ngeihtertu mino si i zuam hna usih.
Caan
pek in lungsau tein bia na ka ruah caah kaa lawm.
Atu bantukin
biahalnak le bialehnak caanṭha ka hmuh caah kaa lawm tuk ve.
-------------------------------
Hika hin Kawl hla a sakmi cheukhat ngaih khawh an si.
https://www.youtube.com/watch?v=9jCKccpdwSg&list=RD9jCKccpdwSg
https://www.youtube.com/watch?v=z0JpNhPoGX8https://www.youtube.com/watch?v=L9Nlu0WDrLs
https://www.youtube.com/watch?v=GcPTBOaHK9w
No comments:
Post a Comment