Laica le Holh Test (1) & (2)

 Laica le Holh Test (1)

Khah, mino tampi nih rel/phi hna usih. A cip bak lomi zong nih na ruahdamh ning tal hun nawnnok ve te, Laica le Holh kan thiam deuh a hau (ka thiam kai ti lo hih!)

Min sullam

1. Hmung, timi min sullam cu............

.2. Vung timi min sullam cu.........

3. Hu timi min sullam cu......

 -------------------------

Laica le Holh Test (2)

I.Chimkem Bia

(1) Bong le M .... . (Mang, Mal, Mai)

(2) Beng le K.....   (Kheng, Kho, khumh)

(3) Fim le K.....     (Khur, kan, kherh)

II. Holh Thuk

(1)Tleirawl timi cu....(Kum 10 lonh ual-al, Kum 18 hrawng, 25 hrawng)

(2) Tinfim timi cu.... (Mifim, biafim, ti fimte)

(3) Tainawn timi cu....(Zuhui, vokrawl, taisawm)

III. Phungthlukbia

Atanglei phungthlukbia hna hi an sullam fianter hna.

(1) Cal saruh chonh in

(2) Nuchimh colo Zubui lamthlang tla

(3) Mar thukhat cawi

 ----------------------------

Aphi; 

I. Min Sullam

Hmung        =  Thial khawh lomi zungzal hmun ngeih

Vung           =  Hleih, deuh, tei deuh, ti khawh deuh

Hu              =  Zohkhen, kilkamh

Note: No. 1, Hmung tihi theitlai cu ai ‘hmung’ dut ko ti zongah hman tawn a si ve. No.3. Hu timi hi a hu (bu) tinak zong a si ve. Chuntlungbo ah patlung an i hu thup ko. Min zawnah, Bawi Hu, kan pupa chan in bawi kan rak si lengmang ve, ti zongah hman khawh a si hnga.

II. Chimkem Bia
(1) Bong le Mal
(3) Beng le Kho
(3) Fim le Kan (kaan)

Note: No. 3, hi fimkan, fimkhur tiin hlomhkhat ah sullam an ngei veve nain chimkem timi ‘le’ timi ahcun ‘fim le kan’ ti a si. 

III. Holhthuk
(1) Tleirawl timi cu Kum 10 lonh ual-al
(2) Tinfim timi cu Mifim or biafim, mifim bia
(3) Tainawn timi cu Zuhui

Note: Bolraw-kum 5-10, Tleirawl-10-15, Zaangan-15-18

IV. Phungthlukbia

(1) Cal saruh chonh in

Ngamh lo tuk buin tuah/chim lo awk a that lo tikah a ngamh ngai bantukin chim/tuah khi a si.

(2) Nuchimh colo Zubui lamthlang tla

Zubui cu a nu nih a thih lai ah biaro a vuihtak. Lamthlang le lamkam cu leivawr/leihnip a si caah kua/khua na tlak/ser/rei ahcun na vor an hmuh lai i fawite in an in tlaih lai. Lamchak ah tla (Tla, timi hi a tla, a ril tinak a si lo, khua a tla tinak a si), a ti. A ngaih lo caah zubui tlaih cu a fawite. Nu le pa chimh ngai lo, pingpang an suk tikah chim/hman mi bia a si.

(3) Mar thukhat cawi

Mar pawl hi khua tampi an ruat lo ti a si. Thil pakhat an ruahmi kha biatak tein an itlaih peng. Cu bantukin hawizawnglo, milungkhatphur deuh an um tikah ‘mar thukhat cawi in’ tiah hman tawnmi bia a si.