Laica le Holh Test (3)

Laica le Holh Test (3)

Mino hna, Laica le holh thiam deuh duhnak thinlung he hun virhkhoih cio rih u! 

I. Chimkem bia
(1) Thah le D... (duh,dah,doih)
(2) Ruam le A...(am, awm, ang)
(3) Iang le I..     (iang, ai, ing)

II. Holhthuk
(1) Renglian timi cu   (zupu, zurua, zupi)
(2) Sawm-ai timi cu   (sam, hmai, biar)
(3) Saisimen timi cu   (ngaknu dawh, lasi, van ngaknu)


III. Phungthlukbia
(1) Ka pu chi duh, ka pi duh
(2) Khenglawt eutheu sacuar deng
(3) Banhla bia duh, ar bia duh

 ------------------------

Aphi;

 

 I. Chimkem bia

(1) Thah le Dah
(2) Ruam le Am
(3) Iang le Ai

II. Holhthuk

(1) Renglian timi cu Zupu
(2) Sawm-ai timi cu Sam
(3) Saisimen timi cu Ngaknu dawh

III. Phungthlukbia

(1) Ka pu chi duh, ka pi duh

Ka pu nih chi a duh ahcun ka pi zong nih a duh ve, an lung ai khat tinak a si. Chungkhar nuam le lung ai khatmi an hmuh hna tikah hman/chim tawnmi bia a si.

(2) Khenglawt eutheu sacuar deng

Khenglawt phun cu mi semrel an si. Sacuar hmanh an den i an ei. Khenglawt hmanh nih sacuar an den, anmah bantukin khuasak tintuk le semrel kan thiam ding a si, timi ah chim tawnmi bia a si.

(3) Banhla bia duh, ar bia duh

A tuanbia in a um. Ahlan ahhin minung kha fa pakhat na ngeih lecangka na thi lai an rak ti. Banhlan biaduh te nih ‘keimah maw’ a ti hna, aw, an ti ve. Cucaah banhlan cu fakhat a hrin/ngeih lecangka a thi colh. Cun, ar zong khi arhnih nih an cukmi asiloah an hmur an tonh ahcun adang ar pawl zong kha an ra riangmang i an hmur cu an tonh ve tawn. Thei setsai loin biahal le biaduh mi hna sinah chim tawnmi bia a si.